Friday, October 11, 2019
Monday, December 17, 2018
Tuesday, November 13, 2018
परिषदेमध्ये महाराष्ट्र बालसाहित्य
मुलांच्या भावविश्वानुसार बालसाहित्यिकांनी
आपले लेखन करावे. मुद्रित माध्यमासह दृकश्राव्य माध्यमात बालसाहित्यिकांनी यायला
हवे. जगभर या क्षेत्रात काय चालले आहे याचे भान हवे असे प्रतिपादन ज्येष्ठ साहित्यिक
डॉ. सुनीलकुमार लवटे यांनी केले. चैतन्य सृजन सेवा संस्था आजरा, बाल मित्र समूह व
मराठी बालकुमार साहित्य सभा कोल्हापूर यांच्या संयुक्त विद्यमाने एकदिवसीय बालसाहित्य
परिषद कोल्हापूर येथील रवळनाथ हाऊसिंग सोसायटीमध्ये संपन्न झाली. कार्यशाळेत
बालसाहित्य क्षेत्रातील महत्त्वपूर्ण विषयावर चर्चा करण्यात आली.
या
परिषदेसाठी प्रसिद्ध बालकथा लेखक डॉ.राजीव तांबे, बालकवी किशोर पाठक (नाशिक),
प्रशांत गौतम (औरंगाबाद), गोविंद गोडबोले, सावित्री जगदाळे, अरुण देशपांडे,
डॉ.श्रीकांत पाटील, चंद्रकांत निकाडे, अशोक पाटील, बाळ पोतदार, प्रकाश क्षीरसागर चंद्रकांत
कुलकर्णी, शिवशंकर उपासे, सुनील सुतार. डॉ.म.ग गुरव यांनी बालसाहित्यावर विचार
व्यक्त केले. यावेळी शिक्षणविस्तार अधिकारी विश्वास सुतार, परशराम आंबी, नसीमा
जमादार, दीप्ती कुलकर्णी, प्रणिता तेली, संजय मगदूम यांच्यासह महाराष्ट्रातील
बालसाहित्यीक उपस्थित होते. ज्येष्ठ बालसाहित्यिक तांबे म्हणाले मराठीतील
बालसाहित्य इतर भाषांमध्ये पोहोचवण्याची गरज आहे. विशेष गरजा असणाऱ्या बालकांचा
विचारही बालसाहित्यिकांनी करावा. सुभाष विभूते यांनी सूत्रसंचालन. सुनील सुतार
यांनी आभार मानले.
चौकट-
परिषदेमध्ये
महाराष्ट्र बालसाहित्य परिषदेची स्थापना करण्यात आली. परिषदेच्या अध्यक्षपदी डॉ.राजीव
तांबे, उपाध्यक्षपदी डॉ.शिवशकर उपासे, सचिवपदी सुभाष विभूते, खजिनदारपदी चंद्रकांत
निकाडे यांची निवड करण्यात आली. यावेळी ज्येष्ठ साहित्यिक डॉ सुनीलकुमार लवटे
यांनी महाराष्ट्र बालसाहित्य परिषदेसाठी एक लाखाची देणगी जाहीर केली. बालसाहित्य
परिषदेत “आज्जोपिझ्झा” व “टिंबांचा कविता” या दोन पुस्तकाचे प्रकाशन मान्यवरांच्या
हस्ते करण्यात आले.
Wednesday, October 24, 2018
Monday, October 22, 2018
जिल्हास्तरीय प्रगल्भ वाचक स्पर्धा पारितोषिक वितरण समारंभ संपन्न
ज्येष्ठ साहित्यिक डॉ. सुनीलकुमार लवटे लिखित “वाचन” या
पुस्तकावर आधारित घेण्यात आलेल्या जिल्हास्तरीय प्रगल्भ वाचन स्पर्धेतील विजेत्या
विदयार्थ्यांना जेष्ठ साहित्यिक रातवाकार डॉ.चंद्रकुमार नलगे यांच्या हस्ते
गौरविण्यात आले. शिवाजी पेठेतील न्यू कॉलेज येथे कार्यक्रम संपन्न झाला. १५
ऑक्टोबर रोजी वाचन प्रेरणादिना निमित्त शालेय व महाविदयालयीन गटात ही स्पर्धा
घेण्यात आली होती. या स्पर्धेत तेराशेपेक्षा अधिक विदयार्थ्यांनी परीक्षा दिली
होती.
विजेत्या विदयार्थ्याना अनुक्रमे तीन हजार, दोन हजार, एक
हजार व उत्तेजनार्थ क्रमांकांना चारशे
रुपयांची पुस्तकांच्या रूपात बक्षिसे मान्यवरांच्या हस्ते देण्यात आलीत.
स्पर्धेतील विजेते विदयार्थी शालेय गटात शिवदत्त मारुती मिरजकर (एस.एम.लोहिया
हायस्कूल ) प्रथम, हर्षल
संदिप शिंदे (विमला गोयंका विदयालय) द्वितीय,
श्रुती नंदकुमार पिसे (आदर्श
प्रशाला) तृतीय क्रमांक, तर
उत्तेजनार्थ नेहा संजय जाधव (सुसंस्कार हायस्कूल कदमवाडी), प्रियंका
राजेंद्र कांबळे (सरस्वती हायस्कूल इचलकरंजी),
प्रथमेश उदयसिंग चव्हाण (महाराष्ट्र
हायस्कूल कोल्हापूर)
तर
कनिष्ठ महाविदयालयीन गटामध्ये
प्रियदर्शनी शिवाजी सरनोबत (छत्रपती शहाजी महाविदयालय) प्रथम क्रमांक, ओम
संजय पाटील (राजाराम महाविदयालय) द्वितीय क्रमांक, अभिषेक संतोष व्यवहारे (डी.आर.माने
कॉलेज कागल) तृतीय क्रमांक , तर उतेजणार्थ नम्रता दत्तात्रय रावत (न्यू
कॉलेज ), सौरभ संभाजी पाटील (विवेकानंद कॉलेज), संग्राम
विलास पाटील (डी.आर.माने कॉलेज कागल),
यावेळी डॉ.नलगे म्हणाले जे पुस्तक वाचकाकडून मोठया प्रमाणात वाचले जाते त्याचा लेखकाला
मोठया प्रमाणात आनंद होतो. आपण वाचन व्यवहाराबददल विचारही करत नाही आणि वाचतही
नाही. वाचनांसबंधीत सर्व पैलूवर प्रकाश टाकून प्रगल्भ वाचक घडवणारे हे मराठीतील
पहिलेच पुस्तक आहे.
स्वागत
प्रिन्स शिवाजी मराठा बोर्डिंगहाऊसचे सदस्य प्रा.विनय पाटील, प्रास्ताविक
प्राचार्य डॉ.सुनीलकुमार लवटे, पाहुणे ओळख प्रा.सी.एम. गायकवाड, अहवाल
वाचन शिक्षण विस्तार अधिकारी विश्वास सुतार,
सुत्रसंचालन प्रा.डॉ. एस.एच.शेटके व
प्रा.जे.बी,दिंडे यांनी केले, पसायदान
प्रा.सौ. मनिषा नायकवडी यांनी गायिले तर आभार वाचनकटटा बहुउददेशीय संस्थेचे
संस्थापक युवराज कदम यांनी मानले. कार्यक्रमास अनिलभाई मेहता, वाचन
पुस्तक प्रकाशक सौ. भाग्यश्री कासोटे, इंद्रजीत कासोटे, अक्षर दालनचे रविद्र जोशी, न्यू
एज्यूकेशन संस्थेचे सचिव प्रा.हेरवाडे, शहाजी महाविदयालयाचे प्राचार्य शहानेदिवाण, परीक्षा
संयोजक चंद्रकांत निकाडे, न्यू कॉलेजचे उपप्राचार्य प्रा.टी.के.सरगर, शिक्षक
वाचन कटटाचे संजय पाटील, उत्तम तळवार, संजय कळके, परशुराम
आंबी यांच्यासह मान्यवर व विदयार्थी उपस्थित होते.
Subscribe to:
Posts (Atom)